आज (मंगलबार) काठमाडौँ उपत्यकाको मौसम हिजो (सोमबार) भन्दा केही उक्लिएको छ।
मौसम पूर्वानुमान महाशाखाका मौसमविद् गोविन्द झाका अनुसार आज बिहान ५:४५ बजे मापन गर्दा काठमाडौँ उपत्यकाको न्यूनतम तापक्रम ४.० डिग्री सेल्सियस देखिएको हो। त्यसो त अहिले बिहान ८:४५ बजे पुनः मापन गरिनेछ। त्यतिबेला न्यूनतम तापक्रम केही घट्ने सम्भावना हुन्छ।
सोमबार भने काठमाडौँ उपत्यकाको तापक्रम ३.२ डिग्री सेल्सियस थियो।
आज उपत्यकाको अधिकतम तापक्रम १६ देखि १८ डिग्री सेल्सियसबीच रहने अनुमान रहेको मौसमविद् झाले बताए। सोमबार यहाँको अधिकतम तापक्रम १७.५ डिग्री सेल्सियस थियो।
२४ घण्टामा सबैभन्दा कम तापक्रमलाई त्यस दिनको न्यूनतम र २४ घण्टामा सबैभन्दा बढी तापक्रमलाई त्यस दिनको अधिकतम तापक्रम भनिन्छ। बिहान ८:४५ बजेभित्र न्यूनतम तथा साँझ ५:४५ बजेभित्र अधिकतम तापक्रम मापन गरिन्छ।
मौसमविद् झाका अनुसार आज काठमाडौँ उपत्यकाको मौसम मुख्यतया सफा रहने सम्भावना छ। ‘अलि अलि बदली त भइहाल्छ’, उनले भने, ‘मुख्ततया सफा भनेको काठमाडौँ उपत्यकाको मौसम आज राम्रो रहन्छ, खुल्छ।’
Shares
प्रतिक्रिया