सूचना तथा सञ्चार प्रविधि क्षेत्रको प्रतिष्ठित अवार्डको रूपमा परिचित ‘आईसीटी अवार्डको २०२३’ को फाइनल कार्यक्रम पुस ६ गते (शुक्रबार) द सोल्टी काठमाडौंमा आयोजना हुँदैछ।
लिभिङ विथ आईसीटीले आयोजना गर्दै आइरहेको अवार्ड कार्यक्रमको विगत ५ महिनादेखि छनौट प्रक्रिया र प्रिइभेन्टहरु सम्पन्न गर्दै ‘ग्रान्ड फिनाले’ आयोजना हुन लागेको हो।
आयोजक संस्थाका अनुसार अपग्राड आईसीटी अवार्डको २०२३ इन एसोसिएसन विथ इनड्राइभको ग्राण्ड फिनालेमा सूचना तथा सञ्चार प्रविधि क्षेत्रसँग सम्बन्धित १४ विधाहरूमा विजेताको घोषणासँगै अवार्ड वितरण हुनेछ। यसैगरी सातै प्रदेशका उत्कृष्ट स्टार्टअपहरूलाई प्रभिन्स स्टार्टअप आईसीटी रिकन्डिसन २०२३ बाट सम्मान गरिनेछ। अवार्डमा दक्षिण एसियाली देशहरुलाई लक्षित साउथ एसिया स्टार्टअप आइसिटी अवार्ड पनि समावेश गरिएको छ।
प्रविधि क्षेत्रको विशेष उत्सवको रूपमा आयोजना हुने आईसीटी अवार्डको ग्राण्ड फिनालेमा स्वदेश तथा विदेशबाट ८०० बढि विशिष्ट व्यक्तिहरूको सहभागीता हुनेछ। आठौं संस्करणको आईसीटी अवार्डको छनौटको लागि १४ जना स्वदेश र ३ जना विदेशबाट विज्ञ जुरी समिति गठन गरिएको थियो। विभिन्न १३ विधामा खुल्ला गरिएको अनलाइन नोमिनेसनमा ७०० बढिको आवेदन प्राप्त भएको आयोजक समितीले जानकारी गराएको छ।
अवार्ड वितरण हुने विधाहरुमा स्टार्टअप तथा इन्नोभेसनतर्फ इनड्राइभ स्टार्टअप, प्रडक्ट, राइजिङ स्टार इन्नोभेसन र हाम्रो पे पब्लिक च्वाइस आइसिटी अवार्ड रहेका छन्। व्यत्तिगत अवार्ड विधाहरुमा प्रोफेसनल एक्सिलेन्स, आन्टरप्रेनर, नेपाली डायस्पोरा, पायोनियर र एनसेल वुमन आईकन आइसिटी अवार्ड रहेका छन्। सस्थागत र कर्पोरेट अवार्ड विधाहरुमा डिजिटल एजुकेसन (पब्लिक सेक्टर), डिजिटल एजुकेसन (प्राइभेट सेक्टर), डिजिटल गभर्नेन्स र डिजिटल सर्भिसेस आइसिटी अवार्ड रहेका छन्। साउथ एशिया स्टार्टअप आइसिटी अवार्ड अन्तर्राष्ट्रिय अवार्ड विधाको रुपमा समावेश गरिएको आयोजक समितिका अध्यक्ष राजन लम्सालले बताए।
यी सम्पूर्ण विधाहरूमा १७ जना जुरी सदस्यहरुको सहभागितामा ३ महिनाको अवधिसम्म विभिन्न चरणका छनौट प्रकृयाहरु सञ्चालन गरिएको थियो। सातै प्रदेशमा स्टार्टअप मिट, बुटक्याम्प, काठमाडौंमा स्टार्टअप एण्ड आइडिया फेस्ट, टेलिभिजन कार्यक्रम, पब्लिक भोटिङ र फिल्ड भिजिटजस्ता प्रकृयाहरु सञ्चालन भएको आयोजकले जनाएको छ। अवार्ड छनौट प्रक्रियालाई पारदर्शी, निष्पक्ष र सर्वोत्कृष्ट बनाउन सम्पुर्ण तवरबाट प्रयास भएको लम्सालले बताए।
आइसिटी अवार्ड केवल एक अवार्ड कार्यक्रममात्र नभएर यसले डिजिटल रुपान्तरण र इकोसिस्टमको विकासलाई टेवा पुर्याएको छ। हरेक वर्ष आयोजना हुने अवार्ड कार्यक्रमले यस क्षेत्रमा काम गर्ने र गर्न खोजेकाहरुलाई प्रोत्साहन गरिरहेको सहभागीहरूको बुझाई छ। यस अवार्डमा प्रतिस्प्रधामा आएका स्टार्टअप, प्रडक्ट र इन्नोभेसनहरुले थप लगानी र बजार बिस्तारको लागि अवसर प्राप्त गरेका छन्। अवार्ड विजेताले विभिन्न कम्पनीका अफरहरुसँगै ट्रफी र सम्मान प्राप्त गर्नेछन्। एनसेल वुमन आइकनले ३ लाख रुपैयाँको पुरस्कार पनि प्राप्त गर्नेछन्।
शुक्रवार आयोजना हुने ग्राण्ड फिनाले कार्यक्रममा नेपाल सरकारको तर्फबाट विशिष्ट व्यक्तिहरू उपस्थित हुने आयोजकले जानकारी दिएको छ। कार्यक्रममा सहभागी हुन अन्तर्राष्ट्रिय मोविलिटी कम्पनी इनड्राइभ र दक्षिण एसियाली देशहरुबाट दर्जनबढि स्टार्टअप र विज्ञहरु नेपाल आउनेछन्। कार्यक्रममा प्रमोद खरेल लगायतको म्युजिक पर्फमेन्स पनि रहेको आयोजकले जानकारी दिएको छ।
अपग्राड आईसीटी अवार्ड २०२३ इन एशोशिएसन विथ इन्ड्राइभमा, अपग्राड पावर्ड बाईको रुपमा रहेको छ भने सञ्चार तथा सूचना प्रविधि मन्त्रालय, सूचना प्रविधि विभाग, नेपाल दूरसञ्चार प्राधिकरण, राष्ट्रिय सूचना प्रविधि केन्द्र, नाष्ट, नेपाल उद्योग वाणिज्य महासंघ, न्यास आईटी लगायतको सहकार्य रहेको छ।
यस्तै, कार्यक्रमको डिजिटल पेमेन्ट पार्टनरमा नेपाल पे, भोटिङ पार्टनरमा हाम्रो पे, एजुकेसन पार्टनरमा लर्ड बुद्ध एजुकेसन फाउन्डेसन, ट्रेनिङ पार्टनरमा ब्रोडवे इन्फोसिस, साइबर सेक्युरिटी पार्टनरमा बगभी, नलेज पार्टनरमा ग्लोवल कलेज, एडटेक पार्टनरमा वेद, ब्रोडकास्टिङ पार्टरनमा कान्तिपुर टिभी, अपस्किलिङ पार्टनरमा मेन्टरल्याब, , इन्टरनेट पार्टनरमा डिशहोम फाइबरनेट लगाउतको सहकार्य रहेको छ।
आईसीटी अवार्डको ग्रान्ड फिनाले कान्तिपुर टेलिभिजन एचडी, हाम्रो पात्रो, आइसिटी अवार्डको फेसबुक पेज तथा युट्युब च्यानल लगायका माध्यमबाट प्रत्यक्ष प्रसारण समेत हुनेछ। प्रत्यक्ष सहभागी हुन चाहनेहरुले अफिसियल वेबसाइटबाट टिकट खरिद गर्न सकिनेछ।
Shares
प्रतिक्रिया