हिमालयन रिइन्स्योरेन्स कम्पनीको प्राथमिक सेयर (आईपीओ) आज बाँडफाँड भएको छ।
बिक्री प्रबन्धक एनएमबी क्यापिटलले बुधबार आईपीओ बाँडफाँड गरेको हो।
३० कित्तासम्म आवेदन दिने सबैले आफूले भरेजत्तिकै सेयर पाएका छन्।
१०, २० र ३० कित्तासम्म आवेदन दिएका सबैले मागेजति आईपीओ पाएको बिक्री प्रबन्धक एनएमबी क्यापिटलले जनाएको छ।
३० कित्ताभन्दा बढीका लागि आवेदन दिनेहरुले भने गोलाप्रथाबाट थप १० कित्ता आईपीओ पाएका छन्।
कम्पनीले ३ अर्ब रुपैयाँ बराबरको ३ करोड कित्ता सेयर जारी गर्न अनुमति पाएको थियो।
कम्पनीले प्रतिसेयर १०० रुपैयाँ अंकित मूल्यमा १०६ रुपैयाँ प्रिमियम थप गरी प्रतिकित्ता २०६ रुपैयाँमा सेयर खुला गरेको हो।
99
Shares
प्रतिक्रिया