विकासका पूर्वाधारको हिसाबमा गाउँपालिका र नगरपालिकाको रुपमा वर्गीकरण गरिए पनि २५ दशमलव ४ प्रतिशत नगरपालिकाको भूभाग ग्रामीण नै देखिएको छ।
राष्ट्रिय तथ्याङ्क कार्यालयले सार्वजनिक गरेको तथ्यांकअनुसार ५ दशमलव ९ प्रतिशत गाउँपालिकाको भूभाग भने सहरी क्षेत्र देखिएको छ।
तथ्यांकअनुसार गाउँपालिकाका २ हजार ४ सय १२ वटा वडा ग्रामीण छन्। महानगरपालिकाको समेत ८ वटा वडा ग्रामीण छ भने उपमहानगरपालिकाका २१ वटा वडा र नगरपालिकाका १ हजार २ सय ४४ वटा वडा ग्रामीण देखिएका छन्।
त्यस्तै गाउँपालिकाका १ सय ३९ वटा वडा सहरी छन्। महानगरका १ सय २६ वटा वडा सहरी छन् भने उपमहानगरका १०६ वटा वडा र नगरपालिकाका ५ सय ९१ वटा वडा सहरी छन्।
बाँकी भूभाग भने सहरोन्मुख रहेको तथ्याङ्कले देखाएको छ।
21
Shares
प्रतिक्रिया