युनिकोड
ग्रेटवाल मोटर्स (जीडब्ल्यूएम)ले १२ लाख ३० हजार वटा गाडी बिक्री गर्दै आफ्नो अन्तर्राष्ट्रिय बजार विस्तारमा उल्लेखनीय सफलता हासिल गरेको छ।
कम्पनीले विश्वव्यापी रूपमा विदेशी बजारहरूमा ३ लाख युनिटको वार्षिक बिक्री गरेको हो। डिसेम्बरमा कम्पनीले ३३ हजार ४७६ वटा गाडी बिक्री गरेको हो।
जीडब्लुएमको प्रविधि र बजार रणनीतिको विशेषज्ञताले यो सफलता हात पारेको कम्पनीले उल्लेख गरेको छ।
जी जीडब्लुएम ट्यांक५०० बलियो इन्जिन र अफ–रोड क्षमताहरूको लागि प्रसिद्ध, मिडल इस्टमा लोकप्रिय बन्यो।
कम्पनीका अनुसार यही सफलताको आधारमा जीडब्लुएम ट्यांक७०० नोभेम्बरको पूर्व–बिक्रीको अवधिमा मात्र ५५ सेकेन्डमा बिक्री भयो। जीडब्लुएमको नयाँ इलेक्ट्रिक ब्रान्ड ओरा ईभीले युरोप र दक्षिण अफ्रिकामा प्रशंसा प्राप्त गरेको छ।
जीडब्लुएमको व्यावहारिक र आधारभूत दृष्टिकोण, कम्पनीको मान्यता र प्रतिष्ठाले विश्वव्यापी ग्राहकहरूलाई आकर्षित गरेको कम्पनीको दाबी छ। जीडब्लुएम हाभल एच६ एनईभीले ब्राजिलमा उत्कृष्ट चार प्रमुख वार्षिक पुरस्कार प्राप्त गरेको थियो।
गत वर्ष दक्षिण अफ्रिकी वार्षिक पिकअप मोडेल प्रतियोगितामा जीडब्लुएम ए शृङ्खलाले १००–१२०केडब्लु पावर श्रेणीमा ‘सर्वश्रेष्ठ पिकअप मोडेल’को उपाधि सुरक्षित गरेको थियो। त्यस्तै जीडब्लुएम ओरा ०३ले ग्रिन एनक्यापबाट एलसीए र टपगियर साउथ अफ्रिका ‘२०२३ एनुअल अवार्ड’सँगसँगै फाइभ स्टार रेटिङ हासिल गरेको थियो। जीडब्लुएम डब्लुईवाई ०३, डब्लुईवाई ०५ र ओरा ०३ सबैले युरोपेली ई–एनक्याप फाइभ स्टार मूल्याङ्कन प्राप्त गरेका छन्।
जीडब्लुएम ब्रान्डलाई २०२३ ब्रान्ड्ज ‘चाइना ग्लोबल ब्रान्ड टप २’ मा पनि मान्यता दिइएको थियो।
गत जुनमा, जीडब्लुएमले प्रमुख अटोमोटिभ वितरक इन्चकेपसँग रणनीतिक साझेदारी स्थापना गरेको थियो भने जुलाईमा, जीडब्लुएमका होल्डिङ समूहको एफटीएक्सटी इनर्जीले इटालीको सीएनआरसँग ग्रीन इनर्जी रूपान्तरणलाई अगाडि बढाउँदै हाइड्रोजन ऊर्जा परियोजनाहरूको लागि सहयोग सम्झौतामा हस्ताक्षर गरेको थियो।
जीडब्लुएमले गत वर्ष पाकिस्तान, इक्वेडरमा नक डाउन कारखाना र मलेसियामा नयाँ परियोजनाको साथ विदेशी उत्पादनलाई पनि गति दिएको छ।
प्रतिक्रिया