साढे ८ खर्बको वैदेशिक व्यापारमा नेपालको घाटा नै झण्डै ७ खर्ब

चालू आर्थिक वर्षको पुससम्म नेपालको आयात, निर्यात र व्यापार घटेको छ। 

भन्सार विभागको ताजा तथ्यांकअनुसार आयात ३.०९ प्रतिशतले, निर्यात ७.२३ प्रतिशतले र वैदेशिक व्यापार ३.४७ प्रतिशतले घटेको देखाएको हो। 

उक्त अवधिमा नेपालको व्यापारघाटा पनि २.६२ प्रतिशतले घटेको विभागले जनाएको छ। 

तथ्यांकअनुसार छ महिनामा नेपालले ७ खर्ब ६८ अर्ब रुपैयाँको वस्तु आयात गरेको छ। त्यस्तै ७४ अर्ब ९६ करोड रुपैयाँको निर्यात र वैदेशिक व्यापार ८ खर्ब ४३ अर्ब १३ करोड रुपैयाँ पुगेको छ। यसअनुसार व्यापार घाटा ६ खर्ब ९३ अर्ब रुपैयाँ छ। 

योसँगै कुल व्यापारमा निर्यातको हिस्सा ३.८९ प्रतिशतले ऋणात्मक छ भने आयातको हिस्सा ०.४० प्रतिशत छ। आयात र निर्यात अनुपात भने ४.४६ प्रतिशत रहेको विभागले जनाएको छ। 

चालू आव र गत आवको ६ महिनाको व्यापार सूचक

(स्रोत : भन्सार विभाग)