तोलामै २ हजार रुपैयाँले बढ्यो सुन, कति पुग्यो मूल्य?

सुनको मूल्य आकाशिएको छ। पहेँलो धातुको मूल्य बुधबार तोलामै २ हजार रुपैयाँले बढेको हो। 

योसँगै छापावाल सुन आज १ लाख ४९ हजार ८ सय रुपैयाँमा कारोबार भएको छ। यो हालसम्मकै उच्च हो। 

नेपाल सुनचाँदी व्यवसायी महासंघका अनुसार तेजाबी सुनको मूल्य पनि १ लाख ४९ हजार १ सय रुपैयाँ पुगेको छ। 

सुनको मूल्य आकाशिँदा चाँदीको मूल्य पनि २० रुपैयाँले बढेको छ। योसँगै बुधबार चाँदी १ हजार ८ सय ९५ रुपैयाँ प्रतितोला मूल्यमा कारोबार भएको छ। 

उता अन्तर्राष्ट्रिय बजारमा सुन २ हजार ४६२ अमेरिकी डलर र चाँदी ३० अमेरिकी डलर प्रतिऔँस मूल्यमा कारोबार भएको एजेन्सीहरुले जनाएका छन्।