१३ सयले घट्यो सुनको मूल्य, चाँदी पनि २० रुपैयाँ सस्तो

सुनको मूल्य प्रतितोला १ हजार ३ सय रुपैयाँले घटेको छ। आइतबार छापावाल सुन १ लाख ४६ हजार २ सय र तेजाबी सुन १ लाख ४५ हजार ५ सय रुपैयाँमा कारोबार भएको हो। 

नेपाल सुनचाँदी व्यवसायी महासंघका अनुसार आज चाँदीको मूल्य पनि २० रुपैयाँले घटेको छ। योसँगै चाँदी १ हजार ८ सय १० रुपैयाँमा कारोबार भएको छ। 

शुक्रबार छापावाल सुन १ लाख ४७ हजार ५ सय, तेजाबी सुन १ लाख ४६ हजार ८ सय र चाँदी १ हजार ८ सय ३० रुपैयाँमा कारोबार भएको थियो।