२३ सय रुपैयाँ सस्तो भयो सुन, चाँदीको कति?

सुनको मूल्य ह्वात्तै घटेको छ। 

नेपाल सुनचाँदी व्यवसायी महासंघका अनुसार कीर्तिमान कायम गरेपछि सुनको मूल्य २ हजार ३ सय रुपैयाँ सस्तो भएको हो। 

योसँगै मंगलबार छापावाल सुन १ लाख ४७ हजार ७ सय रुपैयाँमा कारोबार भएको छ। अघिल्लो दिन १ लाख ५० हजार रुपैयाँ प्रतितोला पुगेको थियो। 

त्यसैगरी चाँदीको मूल्य पनि ६० रुपैयाँले घटेको छ। योसँगै चाँदी आज १ हजार ७ सय २५ रुपैयाँमा कारोबार भएको महासंघले जनाएको छ। 

अन्तर्राष्ट्रिय बजारमा भने २ हजार ३ सय ९६ अमेरिकी डलर प्रतिऔँस मूल्यमा सुनको कारोबार भएको एजेन्सीहरुले जनाएका छन्।