३ हजारले बढेपछि सुनको मूल्य फेरि हालसम्मकै उच्च विन्दुमा, आज कति?

सुनको मूल्य फेरि हालसम्मकै उच्च विन्दुमा पुगेको छ। 

नेपाल सुनचाँदी व्यवसायी महासंघका अनुसार आइतबार सुनको मूल्य ३ हजारले बढेको हो। 

योसँगै आज १ लाख ५२ हजार ६ सय रुपैयाँ प्रतितोला मूल्यमा कारोबार भएको महासंघले जनाएको छ। आज चाँदीको मूल्य पनि तोलामा ५० रुपैयाँले बढेर १ हजार ८ सय १० रुपैयाँ पुगेको छ। 

शुक्रबार सुन १ लाख ४९ हजार ६ सय र चाँदी १ हजार ७ सय ६० रुपैयाँमा कारोबार भएको थियो। 

अन्तर्राष्ट्रिय बजारमा पनि सुनको मूल्य बढेर प्रतिऔँस २ हजार ५ सय अमेरिकी डलर पार गरेको छ। यता चाँदी प्रतिऔँस २९ अमेरिकी डलर पुगेको एजेन्सीहरुले जनाएका छन्।