युनिकोड
वेस्ट बैंकको रामल्लाहनजिकै बेतुनिया चेकपोस्ट छेउ सडकमा इजरायली सेना र प्यालेस्टिनीबीच झडप भएको छ।
बीबीसीका अनुसार यो त्यही ठाउँ हो, जहाँ इजरायली जेलबाट ३९ प्यालेस्टिनी बन्दीलाई रिहा गरिने भएको छ।
प्यालेस्टिनीहरूको समूहलाई भगाउन इजरायली सेनाले रबरको गोली र अश्रुग्यास प्रहार गरेको थियो।
अर्कातर्फ प्यालेस्टिनीहरूले पनि सेनालाई ढुंगा र अश्रुग्यास प्रहार गरेका छन्।
प्यालेस्टाइनमा कैदीका परिवार आफ्ना मानिस लिन त्यहाँ पुगेका छन्। तर त्यहाँ धेरै तनाव भएको छ।
इजरायल र हमासबीच आजदेखि चार दिका लागि युद्धविराम गरिएको छ।
टाइम्स अफ इजरायलका अनुसार इजरायलले गाजामा आज बिहान ७ बजे (स्थानीय समय) देखि आक्रमण रोकेको छ।
युद्धविराम भएसँगै सम्झाैताअनुसार हमासले बन्धक रिहा गर्न थालेको छ।
आज पहिलो दिन हमासले १३ इजरायली र १२ थाई नागरिक गरी २५ बन्धकलाई छाडेको अन्तर्राष्ट्रिय सञ्चारमाध्यमले जनाएका छन्।
सट्टामा इजरायलले पनि आफ्ना जेलमा रहेका १५० प्यालेस्टिनी रिहा गर्ने सहमति भएको बताइएको छ।
प्रतिक्रिया