युनिकोड
इरानले हमासका शीर्ष राजनीतिक नेता इस्माइल हानियाको हत्या कसरी भयो भन्ने कुरा बताएको छ।
इरानको इस्लामिक रिभोलुसनरी गार्ड्स कोर (आईआरजीसी) ले हमास नेता हानिया छोटो दूरीको क्षेप्यास्त्र प्रहारबाट मारिएको बताएको हो।
आईआरजीसीले क्षेप्यास्त्रमा सात किलोग्राम वारहेड रहेको र तेहरानको गेस्टहाउसमा रहेको उनको कोठा बाहिरबाट प्रहार गरिएको बताएको छ।
आईआरजीसीले यो हत्याका पछाडि इजरायल र अमेरिकाको हात रहेको र उपयुक्त समय आएपछि कडा जवाफ दिने चेतावनी पनि दिएको छ।
गत बुधबार इरानको राजधानी तेहरानमा हमासका शीर्ष राजनीतिक नेता इस्माइल हानियाको हत्या भएको थियो।
त्यसबेला हानिया इरानका नवनिर्वाचित राष्ट्रपति मसुद पेजेस्कियानको शपथ ग्रहण समारोहमा सहभागी हुन त्यहाँ पुगेका थिए। बीबीसी
प्रतिक्रिया