युनिकोड
जम्मु–कस्मिरमा आज विधानसभा चुनावअन्तर्गत पहिलो चरणको मतदान हुँदै छ।
आज (सेप्टेम्बर १८) पहिलो चरण सेप्टेम्बर २५ मा दोस्रो चरण र अक्टोबर १ मा तेस्रो चरणका मतदान हुनेछन्।
आज पहिलो चरणमा राज्यको कूल २४ विधानसभा सिटका लागि मतदान हुनेछ। जसमध्ये १६ सिट कस्मिर र ८ सिट जम्मुका छन्।
बीबीसीका अनुसार २०१९ अगस्ट ५ मा धारा ३७० खारेज गर्दै जम्मु–कस्मिरको विशेष दर्जा हटाइयो र केन्द्र शासित दुई प्रदेश सिर्जना गरियो।
यो चुनावमा नेसनल कन्फ्रेन्स र कंग्रेसले संयुक्त रूपमा राज्यका सबै ९० सिटमा उम्मेदवारी दिएका छन्।
भाजपा र पीडीपी भने एक्लाएक्लै चुनावी मैदानमा एक्लै छन्।
लोकसभा सांसद इन्जिनियर रासिदको पार्टी अवामी इत्तिहादले प्रतिबन्धित संगठन जमात-ए-इस्लामीले समर्थन गरेका स्वतन्त्र उम्मेदवारसँग गठबन्धन घोषणा गरेको छ।
मतदानलाई मध्यनजर गर्दै प्रदेशभर सुरक्षा व्यवस्था कडा पारिएको छ।
प्रतिक्रिया