भारतीय उद्योगपति सज्जन जिन्दलले आफूविरुद्ध लागेको बलात्कारको आरोपलाई पूर्णतया ‘निराधार र झुटो’ भएको दाबी गरेका छन्।
अभिनेत्रीसमेत रहेकी एकजना ३० वर्षीया महिलाले आफूलाई विवाहको आश्वासन दिएर जिन्दलले बलात्कार गरेको आरोप लगाएकी छन्। उनीविरुद्ध मुद्दासमेत दर्ता भइसकेको छ।
विस्तृत विवरण : भारतका यी ठूला उद्योगपतिले अभिनेत्रीलाई बलात्कार गरेको अभियोग, दर्ता गरियो मुद्दा
यस विषयमा आइतबार साँझ विज्ञप्ति जारी गर्दै सज्जन जिन्दलले यसलाई ‘झूटो र आधारहीन’ भएको दाबी गरेका हुन्।
विज्ञप्तिमा उनले भनेका छन्, ‘सज्जन जिन्दल यो आरोपलाई पूर्ण रूपमा अस्वीकार गर्छ। यो आरोप पूर्णतया झुटो र आधारहीन छ। अनुसन्धान जारी रहेकाले यस विषयमा थप टिप्पणी नगराैँ, अनुसन्धानमा पूर्ण सहयोग गर्न प्रतिबद्ध छु। म तपाईंलाई परिवारको गोपनीयताको सम्मान गर्न अपिल गर्छु।’
915
Shares
प्रतिक्रिया