भारतस्थित उत्तर प्रदेशको सोनभद्रमा भाजपाका स्थानीय विधायक रामदुलारे गोन्डलाई बलात्कार मुद्दामा एमपी/एमएलए अदालतले २५ वर्षको जेल सजाय सुनाएको छ भने १० लाख भारतीय रुपैयाँ जरिवाना तोकेको छ।
भारतीय सञ्चारमाध्यमका अनुसार अदालतले विधायक गोन्डलाई यही डिसेम्बर १२ मा आईपीसीको धारा ३७६ र २०१ अन्तर्गत दोषी ठहर गरेको हो। सोही दिन उनलाई हिरासतमा लिइएको थियो।
सन् २०१४ नोभेम्बरमा मेयरपुर प्रहरी चौकीमा उनीविरुद्ध बलात्कार मुद्दा दर्ता भएको थियो र आठ वर्ष लामो सुनुवाइपछि फैसला आएको हो।
अदालतका न्यायाधीश एहसानुल्लाह खानले जरिवानाको सम्पूर्ण रकम पीडितलाई दिन आदेश दिएका छन्।
60
Shares
प्रतिक्रिया