हङकङमा हिन्सले मनायो चीनको ७५औँ राष्ट्रिय दिवस

हङकङमा हिन्सले मनायो चीनको ७५औँ राष्ट्रिय दिवस

हिन्सले चीनको राष्ट्रिय दिवस ७५ नम्बरले सजिएको केक काटेर मनाएको छ


सन्तोष तामाङ
असोज १७, २०८१ बिहिबार १२:२४, हङकङ

नेपालीलाई स्थानीयसँग घुलमिल गराउने उद्देश्यसहित हङकङ एकीकृत नेपाली समाज लिमिटेड (हिन्स)ले समय-सममयमा विविध कार्यक्रम गर्दै आइहेको छ। यस्तै प्रयासस्वरुप पछिल्लो पटक मंगलबार चीनको ७५औँ राष्ट्रिय दिवस मनाएको छ।

हङकङमा रहेका नेपाली समुदायबीच सामाजिक कार्यमा अग्रणी भूमिका खेल्दै आएको हिन्सले जोर्डनस्थित सांघाई स्ट्रिटमा रहेको आफ्नो कार्यालयमा ७५ नम्बरले सजिएको केक काटेर मुख्यभूमि चीनको राष्ट्रिय दिवस मनाएको हो।

हङकङ बसोबास गर्दै आएका प्रथम नेपाली ओलम्पियन बक्सर नामसिं थापा, कम्युनिटी सर्भिस डाइरेक्टर चङ यिङ यिङ तथा हिन्सका बोर्ड अफ डाइरेक्टरका अध्यक्ष अधिराज राईले संयुक्त रूपमा केक काटी कार्यक्रमको शुभारम्भ गरेका थिए।

लामो समयदेखि हङकङमा बस्दै आइरहेको नेपाली समाजले चिनियाँ भूमिमा स्थानीयसँग घुलमिल र एकीकृत हुनैपर्ने मान्यतासहित हिन्सले यस प्रकारका कार्यक्रमहरू गर्दै आइरहेको अध्यक्ष राईले नेपालखबरलाई बताए।

हिन्सले विगतमा हङकङ सरकारको होम ब्युरोबाट नेपाली समुदायका लागि प्रायोजित कार्यक्रम ‘नेप्लिज कम्युनिटी सर्भिस टिम’ १० वर्ष सञ्चालन गरिसकेको छ। यस्तै, हङकङमा आयोजित एसियाली राष्ट्रहरूको सांस्कृतिक कार्यक्रममा नेपाली समुदायको प्रतिनिधित्व गर्दै धेरै पटक प्रस्तुति दिइसकेको छ।

साथै, कार्यालय प्रयोजनका लागि हङकङ सरकारबाट सरकारी घर प्राप्त गर्ने हिन्स एक मात्र नेपाली संस्था हो।

कार्यक्रममा ग्यालेक्सी डान्स स्टुडियोका सोना लावतीद्वारा प्रशिक्षित बालबालिकाले नृत्य प्रस्तुत गरेका थिए। कार्यक्रमको अन्त्यमा संस्थाको  उद्देश्यलाई प्रोत्साहन दिने व्यक्तित्व तथा कार्यक्रममा रौनकता थप्ने ग्यालेक्सी डान्स स्टुडियोका बालबालिकालाई प्रशंसा पत्र प्रदान गरिएको थियो।

प्रतिक्रिया

Danfe Global Hong Kong Pvt. Ltd.

Ground Floor 9, Keybond Commercial Building,
No. 38 Ferry Street, Kowloon, Hong Kong

[email protected]
[email protected]

Hong Kong Team

Correspondent
Purna Gurung (Macau)

Radio Correspondent
Santosh Tamang
HK News Coordinator
Magendra Rai

Editor in Chief
Purna Basnet
Copyright © 2021 Nepalkhabar. All Rights Reserved. Designed by Curves n' Colors. Powered by .