यससँगै हङकङमा कोरोना संक्रमितको संख्या एक हजार ३७ पुगेको एससीएमपीले जनाएको छ।
यहाँ कोरोनाका कारण हालसम्म चार व्यक्तिको मृत्यु भएको छ।
शनिबार भेटिएका दुई कोरोना संक्रमित गत शुक्रबार बेलायतबाट फर्किएका थिए।
संक्रमित हुनेमा १८ वषर्की विद्यार्थी र ६१ वर्षका व्यक्ति रहेका छन्। ६१ वर्षका व्यक्तिका नातिनी यसअघि कोरोना संक्रमित बनेकी थिइन्।
विदेशबाट आउने पर्यटकले हङकङमा कोरोना भित्र्याएपछि सरकारले विदेशी पर्यटकका लागि तत्कालका लागि भ्रमण प्रतिबन्ध लगाएको छ।
यद्यपी हङकङले विदेशबाट आफ्नो नागरिक भने फर्काइरहेको छ।
हाल हङकङमा विदेशबाट फर्किने सबैलाई १४ दिन क्वारेन्टाइनमा राखिने व्यवस्था गरिएको छ।
हङकङमा कोरोना भाइरस ‘कोभिड १९’ को त्रासपछि लगाइएको प्रतिबन्ध यसै बिहीबारदेखि थप १४ दिनको लागि बढाइएको छ।
बिहीबार होटल, जिमखान, ब्युटी पार्लर, पब, बार लगायतका मानिसहरु जमघट हुने स्थान खुला हुनुपर्ने थियो।
साथै चारजना भन्दा बढी एक स्थानमा हुन नहुने र व्यक्ति–व्यक्तिबीचको दुरीको नियम पालना गर्नुपर्ने नियम पनि सोही समयमा सम्पन्न हुँदै थियो।
यद्यपी कोरोना माहामारीको त्रास अझै नटरेकाले दुई हप्ता प्रतिबन्ध बढाइएको हङकङकी कार्यकारी प्रमुख क्यारी लामले गत मंगलबार बताएकी थिइन्।
प्रतिबन्धका नियमहरु मे ७ सम्म लागू हुनेछ।
प्रतिक्रिया