ad ad

राजनीति


चोलेन्द्रलाई यशोदा गुरुङको प्रश्न : परमादेश दिँदा तपाईंले दलहरुसँग बार्गेनिङ गरेको हो?

चोलेन्द्रलाई यशोदा गुरुङको प्रश्न : परमादेश दिँदा तपाईंले दलहरुसँग बार्गेनिङ गरेको हो?

सिफारिस समितिमा बयानका क्रममा जबरा। तस्बिर : उजिर कार्की/नेपालखबर


नेपालखबर
भदौ १५, २०७९ बुधबार १४:४२, काठमाडौँ

सत्तारुढ नेकपा माओवादी केन्द्रकी सांसद यशोदा सुवेदी गुरुङले २०७८ असार २८ गते कांग्रेस नेतृत्वको गठबन्धनको पक्षमा परमादेश जारी गर्दा दलहरुसँग गरेको बार्गेनिङबारे निलम्बित प्रधानन्यायाधीश चोलेन्द्र शमशेर जबरासँग प्रश्न गरेकी छन्। 

प्रतिनिधिसभाद्वारा गठित महाअभियोग सिफारिस समितिमा बयानका लागि बुधबार आएका जबरालाई मुद्दाको फैसला गर्दा दलहरुसँग बार्गेनिङ गरेको कुरा उनले उठाएकी हुन्। 

'तपाईंले फैसला गर्दा दलहरुसँग बार्गेनिङ गरेको हो? तपाईंले यही परमादेशका कारण महाअभियोग लगाइयो भन्नुभयो', उनले सोधिन्, 'यदि २०७८ असार २८ को परमादेशसम्बन्धी त्यो फैसला चित्त बुझेको थिएन भने किन फरक मत राख्नु भएन? अहिले यस्तो भन्नु कति जायज हो?'

उनले परमादेशको पक्षमा फैसला दिने क्रममा चित्त नबुझेको भए फरक मत राख्ने अवस्था हुँदा पनि जबराले त्यसो नगरेको भन्दै प्रश्न उठाइन्।

'तपाई त्यस्तो फैसलाको पक्षमा नभएको भए किन फरक मत नराखेको?', उनले थप सोधिन्, 'उक्त फैसलाअघि र पछि पनि तपाईंले राजनीतिक दलहरुसँग बार्गेनिङ गरेको कुरा छ। यो सत्य हो कि होइन?'

स्मरणीय के छ भने जबराले परमादेश दिएबापत सत्तारुढ दलहरुसँग केही मन्त्री पद र अन्य महत्वपूर्ण पदहरु पनि मागेको सार्वजनिक भएको थियो। 

यी पनि

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .