युनिकोड
संघीय संसदको बैठकअघि प्रमुख प्रतिपक्षी दल नेकपा एमाले संसदीय दलको बैठक बसिरहेको छ।
आइतवार दिउँसो साढे १ बजेदेखि संसद भवन नयाँ बानेश्वरमा संसदीय दलको बैठक बसिरेहको छ। उक्त बैठकमा एमाले अध्यक्ष केपी शर्मा ओलीले सम्बोधन गरिरहेका छन्।
सरकारबाट राष्ट्रिय स्वतन्त्र पार्टी बाहिरिएसँगै प्रतिपक्षी समूह बलियो बनेको छ। यस्तोमा एमालेले संसदमा पार्टीको आगामी रणनीति, बजेट निर्माणमा पार्टीका धारणासहितका विषयमा रणनीति बनाउने छ।
त्यसैगरी एमाले सचिव समेत रहेका संघीय सांसद टोपबहादुर रायमाझीविरुद्ध जिल्ला अदालत काठमाडौंले पक्राउ पुर्जी जारी गरेपछिको अवस्थाबारे पनि बैठकमा अध्यक्ष ओलीले कुरा राख्न सक्नेछन्।
रायमाझी पक्राउ पुर्जी जारी भएयता सम्पर्कबाहिर छन्। ओलीले पनि उनी आफ्नो सम्पर्कमा नरहेको स्पष्टीकरण दिइरहेका छन्।
प्रतिक्रिया