आलोचनाको स‌ंस्कृति बढ्दा योगदानै नभएका शक्तिले फाइदा लिन खोजे : प्रधानमन्त्री

देशमा नकारात्मक प्रवृत्ति बढ्दै गएको र जतिसुकै राम्रो काम गरे पनि आलोचना मात्रै गर्ने संस्कृति बढेको प्रधानमन्त्री पुष्पकमल दाहाल ‘प्रचण्ड’ले बताएका छन्।

आइतबार सिंहदरबारमा संस्कृति, पर्यटन तथा नागरिक उड्डयन मन्त्रालय र खानेपानी मन्त्रालयको संयुक्त ब्रिफिङ तथा छलफलमा बोल्दै प्रधानमन्त्रीले उक्त कुरा बताएका हुन्।

‘राम्रो नदेख्ने रोग बढ्दो छ। दर्शक-स्रोता पनि नकारात्मक कुरा र गालीमा रमाउनेजस्ता भएको छ। यसको प्रत्यक्ष फाइदा कुनै पृष्ठभूमि नभएका, योगदान नभएका, लक्ष्य नभएका अराजनीतिक शक्तिहरूले लिन खोज्दैछन्। यो कुरालाई हामीले बदल्नुपर्छ।’