नागरिक उन्मुक्ति पार्टीले अध्यक्षसहित अधिकांश पदाधिकारी सर्वसम्मतमा टुंगो लगाएको छ।
कैलालीको टीकापुरमा जारी प्रथम महाधिवेशन अन्तर्गत अध्यक्षमा रेशमलाल चौधरी निर्विरोध निर्वाचित भएका छन्।
यस्तै, वरिष्ठ उपाध्यक्षमा दामोदर पण्डित र कोषाध्यक्षमा टीकालक्ष्मी निविरोध चयन भएका छन्। सहसचिवमा रामलाल डगौँरा, पदम अधिकारी, पवन कुमार शाह, दिलकुमार रावत, राजन गुरुङ, प्रेमवती राना र निरबहादुर श्रेष्ठ निर्विरोध निर्वाचित भए।
अहिलेसम्म महासचिव र उपाध्यक्ष बाहेक अन्य पदाधिकारी सर्वसम्मतमा टुंगो लागेको छ।
महासचिवमा धर्मबहादुर चौधरी, ठाकुरसिंह चौधरी र गंगाराम चौधरीको उम्मेदवारी छ। यस्तै, ७ जना उपाध्यक्षका लागि १० जनाको उम्मेदवारी परेको छ।
अम्बरबहादुर लिम्बु, रतनबहादुर थापा, दुर्गा पन्त, राजेश अधिकारी, शिव कुमार बास्तोला, हिमाञ्चलराज भट्टराई, तेजबहादुर भुजेल, रामकुमार महतो र महेन्द्र पुन, इन्द्र कुमारी लिम्बु उपाध्यक्षको दौडमा छ।
उनीहरूबीच सहमति नजुटेको सहमतिको लागि छलफल जारी रहेको नेताहरुले बताएका छन्। नागरिक उन्मुक्तिले अध्यक्षसहित ३३ सदस्यीय पदाधिकारी चयन गर्नेछ।
Shares
प्रतिक्रिया