युनिकोड
बलात्कार मुद्दामा जिल्ला अदालत काठमाडौँको फैसलाविरुद्ध उच्च अदालत पाटनमा पुनरावेदन गरेका क्रिकेटर सन्दीप लामिछानेको मुद्दाको सुनुवाइ जारी छ।
न्यायाधीशद्वय सुदर्शनदेव भट्ट र अञ्जु उप्रेती ढकालको इजलासमा भइरहेको सुनुवाइमा सन्दीपका वकिलको बहस सकिइसकेको छ।
त्यस्तै, उच्च सरकारी वकिलको पनि बहस सकिइसकेको छ। अहिले सन्दीपविरुद्ध जोहरी दिएकी किशोरीको तर्फबाट बहस भइरहेको सन्दीपका वकिल मुरारी सापकोटाले जानकारी दिए।
न्यायाधीशले इजलासमा आजै यो मुद्दा टुंग्याउनुपर्छ भनेको उच्च अदालत पाटन स्रोतले जानकारी दिएको छ।
यसअघि पाँचपटक पेसी तोकेर पनि सुनुवाइ हुन सकको थिएन।
गौशाला २६ लाई बलात्कार गरेको मुद्दामा जिल्ला अदालत काठमाडौँले सन्दीपविरुद्ध ८ वर्षको जेल सजाय सुनाएको छ।
उक्त फैसलाविरुद्ध सन्दीपले उच्च अदालत पाटनमा पुनरावेदन गरेका हुन्।
उता पीडित पक्षका तर्फबाट पनि किशोरी नाबालिग नै रहेको जिकिर गर्दै सन्दीपलाई अझ बढी सजाय हुनुपर्ने माग गरी पुनरावेदन परेको छ।
प्रतिक्रिया