प्रचण्ड–नेपाल नेतृत्वको नेपाल कम्युनिस्ट पार्टी (नेकपा)ले मानव साङ्लो बनाएर टुँडिखेललाई घेरेको छ।
प्रतिनिधि सभा विघटनविरुद्ध चौथो चरणको आन्दोलनलमा रहेको नेकपाले बिहीबार अपरान्ह ४ बजेदेखि एक घण्टाका लागि काठमाडौँको टुँडिखेललाई मानव साङ्लोले घेरेको हो।
प्रतिनिधि सभा विघटन, महँगी, मूल्यवृद्धि आदिको विरोधमा बिहीबार दिउँसो ४ देखि ५ बजेसम्म टुँडिखेल मानव साङ्लोले घेर्न लागिको नेकपाका केन्द्रीय सदस्य सूर्य सुवेदी पथिकले जानकारी दिए।
टुँडिखेल घेराउमा काठमाडौं, ललितपुर र भक्तपुर जिल्ला कमिटीलाई रत्नपार्कको आकासेपुलदेखि भद्रकाली, भद्रकालीदेखि सुन्धारासम्म विद्यार्थी संगठनका नेता–कार्यकर्ता, मजदुरहरुलाई भोटाहिटीदेखि रत्नपार्कको आकासे पुलसम्म रहने गरी स्थान विभाजन गरिएको उनले जानकारी दिए।
3
Shares
प्रतिक्रिया