युनिकोड
शुक्रबार एप्पलका कार्यकारी अधिकृत टिम कुकले चीनमा रहेको एप्पल स्टोर खुला हुने बताउँदै चीनबाहिरका सबै एप्पल स्टोर बन्द हुने बताए।
कुकले चीनमा कोरोनाको संक्रमण घटेकाले त्यहाँ एप्पल स्टोर खोल्ने घोषणा गरेका हुन्। अमेरिका क्यालिफोर्नियामा मुख्यालय भएको एप्पलको विश्वका २४ देशमा ५ सय एप्पल स्टोर छन्।
तीमध्ये चीनमा भएका ४२ स्टोर मात्र खुला हुने भएका हुन्। हाल कोरोना भाइरस विश्वभर फैलिसकेको छ।
तर पछिल्लो समय चीनमा कोरोनाको प्रभाव घट्दै गएको छ। चीन एप्पलको मुख्य बजार पनि हो।
पछिल्लो समय चीनको जनजीवन सामान्य बन्दै जाँदा एप्पलले पनि आफ्नो स्टोर चीनमा मात्र खोल्ने बताएको हो।
एप्पलले हालसम्म कोरोनाविरुद्ध लड्न १५ मिलियन अमेरिकी डलर सहयोग गरेको छ। एजेन्सी
प्रतिक्रिया