युनिकोड
सप्तरीको हनुमाननगर कंकालिनी नगरपालिका-८ कोशीपलार इलाकाबाट सशस्त्र प्रहरीले बिहीबार २ सय ४० केजी गाँजा बरामद गरेको छ।
विशेष सूचनाका आधारमा उक्त ठाउँको काँसघारीमा लुकाएको अवस्थामा त्यसपरिमाणको गाँजा बीओपी बर्साइनले बरामद गरेको हो।
बरामद गाँजा आवश्यक अनुसन्धान र कारवाहीका लागि सम्बन्धित निकायमा बुझाउने प्रकृयामा रहेको सशस्त्र प्रहरीले जनाएको छ।
यसैगरी सप्तरीकै कञ्जनरुप नगरपालिका २ बरमझियास्थित पूर्व पश्चिम लोकमार्गबाट बुधबार सशस्त्र प्रहरीले ५ केजी ३ सय ग्राम गाँजासहित एकजनालाई नियन्त्रणमा लिएको छ।
मोटरसाइकलमा आउँदै गरेका उदयपुरको बेलका नगरपालिका ६ बस्ने १८ वर्षीय भोजकुमार राईलाई सशस्त्र प्रहरी बल नेपाल दन्तकाली विषेश तालिम शिक्षालयले जाँच गर्ने क्रममा झोलाभित्र प्लाष्टिकमा प्याक गरिएको ५ वटा गाँजाको प्याकेट फेला परेको हो।
नियन्त्रणमा लिइएका राईलाई बरामद गाँजासहित आवश्यक कारवाहीको लागि इलाका प्रहरी कार्यालय कञ्चनपुरमा बुझाइएको छ।
प्रतिक्रिया