धनुषाको मुखियापट्टी मुसहरिनया गाउँपालिकाका अध्यक्ष जयकुमार यादवमाथि आक्रमणमा प्रयोग भएको गाडीसहित दुईजना पक्राउ परेका छन्।
जिल्ला प्रहरी कार्यालय धनुषाको टोलीले उक्त स्कोर्पियो गाडीका चालक अशोक राउत र मियाज अलीलाई पक्राउ गरेको हो।
पक्राउ पर्नेमा राउत जनकपुरधाम वडा नम्बर १९ का हुन्। उता मियाज वडा नम्बर ७ निवासी हुन्।
उनीहरू दुवैलाई जनकपुरधाम-१९ बेङ्गासिहपुरबाट पक्राउ गरिएको धनुषा प्रहरीका प्रवक्ता डीएसपी रञ्जन अवालेले बताए।
बेंगाशिवपुरबाट प्रहरीले मधेस प्रदेश ०२ ००१च १०४७ नम्बरको गाडी पनि नियन्त्रणमा लिएको छ।
प्रादेशिक अस्पताल जनकपुरधामबाट जिरोमाइलस्थित निवास फर्किने क्रममा अध्यक्ष यादवमाथि बिहीबार राति कुटपिट भएको थियो।
कुटपिटबाट भाइते भएका यादवलाई कांग्रेसका पूर्वउपसभापति विमलेन्द्र निधिसहितले भेटेर दोषीमाथि कारबाही माग गरेका थिए।
216
Shares
प्रतिक्रिया