युनिकोड
भारतको गुजरात राज्यस्थित बडोदराको हरनी तालमा १४ जनाको ज्यान जाने गरी भएको डुंगा दुर्घटनाको अनुसन्धान गरिरहेको गुजरात प्रहरीले शुक्रबार ६ जनालाई पक्राउ गरेको छ।
बडोदराका प्रहरी आयुक्त अनुपम सिंह गहलोतले एएनआईलाई यो जानकारी दिएका हुन्।
उनका अनुसार ‘पक्राउ परेका ६ जनामध्ये तीन जनाले सो तालमा डुंगा व्यवस्थापनको काम गरिरहेका थिए भन बाँकी ३ जना तालको विकास र त्यसमा डुंगा चलाउने कम्पनीसँग आबद्ध छन्।
उनीहरुलाई पक्राउ गर्न अपराध महाशाखा र विशेष अपरेशन ग्रुपको विभिन्न टोलीले धेरै ठाउँमा छापा मारेको पनि उनले बताए।
बडोदरा प्रहरीका अनुसार १८ आरोपितविरुद्ध भारतीय दण्ड संहिताको धारा ३०४, ३०८, ३३७, ३३८ र ११४ अन्तर्गत मुद्दा दर्ता गरिएको छ।
भिडिओ–
#WATCH | Gujarat: Vadodara boat capsize incident | Vadodara Police arrested six people in connection with the incident.
— ANI (@ANI) January 19, 2024
14 people including 12 students and 2 teachers died in yesterday's incident. https://t.co/hiOtZNW9Ib pic.twitter.com/QT4bVxn5mI
यस्तो छ घटना
गत बिहीबार डुंगा दुर्घटना हुँदा १२ बालबालिका र दुई महिला शिक्षकसहित १४ जनाको मृत्यु भएको थियो।
१४ जना क्षमताको डुंगामा २६ बालबालिकासहित ३४ जनालाई बस्न लगाइएको र अधिकांशलाई लाइफ ज्याकेट नदिएको आरोप छ।
सन्तुलन गुमाएका कारण डुंगा पल्टिँदा यो दुर्घटना भएको हो।
दुर्घटनापछि गुजरातका मुख्यमन्त्री भूपेन्द्र पटेल घटनास्थल पुगेर राहत र उद्धारबारे जानकारी लिएका थिए।
बडोदराका प्रहरी आयुक्त अनुपम सिंह गहलोतका अनुसार प्रहरीले मृत्युको अनुसन्धान गर्न एसआईटी गठन गरेको छ।
प्रतिक्रिया