सर्लाहीको बरहथवा नगरपालिकाले आज शोक बिदा दिएको छ।
गएको शुक्रबार बरहथवा बजारमा स्थानीयले गरेको प्रदर्शनको क्रममा प्रहरीको गोली लागेर बहरथवा ६ का २७ वर्षीय जयशंकर साहको मृत्यु भएको थियो।
घटनाको चार दिनपछि आज साहको अन्यष्टि हुँदैछ।
मेयर कल्पना कटुवालले आज (सोमबार) बिहान एक सूचना जारी गर्दै साहको निधनमा नगरपालिका कार्यालय, वडा कार्यालय, स्वास्थ्य संस्था, शैक्षिक संस्था लगायत बरहथवा नगरपालिका मातहतमा रहेका कार्यालयमा शोक मनाउनको लागि बिदा गरिएको जनाएकी छन्।
साहको निधनले मर्माहत बनाएको भन्दै नगरप्रमुख कटुवालले मृतक साहप्रति श्रद्धाञ्जली र शोकाकूल परिवारजनमा समवेदना व्यक्त गरेकी छन्।
69
Shares
प्रतिक्रिया