काठमाडौँको दरबारमार्गस्थित ट्राफिक प्रहरी प्रभागमा कार्यरत प्रहरी जवान मनमैजुमा मृत भेटिएका छन्।
उपत्यका प्रहरी कार्यालयका अनुसार काठमाडौँको तारकेश्वर नगरपालिका-९, मनमैजुमा ट्राफिक प्रहरी जवान युवराज घिमिरेको शव शुक्रबार भेटिएको हो।
स्थानीयले खबर गरेपछि अनुसन्धानका लागि प्रहरी टोली घटनास्थल पुगेको छ।
हिजो बिहीबार ड्युटी सकेर निस्किएका प्रहरी जवान घिमिरे मृत भेटिएको खबर शुक्रबार अपराह्न प्रहरीकहाँ आएको हो।
उनको शव मनमैजुस्थित निर्माणाधीन घरको तल भेटिएको हो। घटनाबारे अनुसन्धान भइरहेको प्रहरीले जनाएको छ।
837
Shares
प्रतिक्रिया