युनिकोड
काठमाडौंको मित्रनगरस्थित एउटा खाजा घरबाट प्रहरीले कटुवा पेस्तोल एक थानसहित दुईजनालाई पक्राउ गरेको छ।
शनिबार बिहानै २ बजे प्रहरी प्रभाग गोंगबु, नयाँ बसपार्कबाट खटिएको टोलीले काठमाडौं महानगरपालिका-२६ मित्रनगरस्थित खाजा घरबाट दुईजनालाई पेस्तोलसहित पक्राउ गरेको हो।
पक्राउ पर्नेहरुमा काठमाडौं-१७ धोवीचौर घर भई वनस्थली बस्ने ४२ वर्षीय जोयल थापा र नवलपरासीको बर्दघाट-१४ चौपत्ता बस्ने ३० वर्षीय राजु विक रहेका छन्।
उनीहरुको साथबाट प्रहरीले कटुवा पेस्तोल एकथान, त्यसमा लाग्ने गोली एकथान, खोका एकथान र हातमा लगाउने फलामको पञ्च एकथान बरामद गरेको छ।
उनीहरुविरुद्ध मुलुकी अपराध संहिता २०७४ को परिच्छेद ६ को दफा १३० को ‘इजाजत-पत्र प्राप्त नगरी हातहतियारको कारोबार गर्न नहुने’ शीर्षकमा प्रहरी वृत्त महाराजगञ्जमा राखेर अनुसन्धान थालिएको छ।
प्रतिक्रिया