भन्सार पास भएपछि बुधबार अपरान्ह त्रिभुवन विमानस्थलबाट १ सय केजी सुन बरामद भयो।
विमानस्थल भन्सार पास भइसकेको उक्त सुन राजश्व अनुसन्धान विभागको टोलीले बरामद गर्नका लागि सुराकीको प्रयोग गरेको हो।
विभागले सुराकीको उक्त सूचनाको आधारै सुन समात्न सफल भएको जनाएको छ। केही दिनदेखि निरन्तर सुन आइरहेको सूचना आएको विभागका एक अधिकारी बताउँछन्। तर त्यसबारे अपरेसन त गर्ने तयारी विभागले गरि नै रहेको थियो।
तर बुधबार भने १ सय केजी सुन नै आइरहेको भन्ने सूचना आयो। तयसपछि विभागको टोली तयार जसरी पनि अप्रेशन गर्ने तयारीमा थियो।
बिहानदेखि नै अपरेसनका लागि तयार रहेको टोलीले भन्सार पास भएर बाहिरिएको सुन बरामद गरेको हो।
त्यसो त त्यो सुन कहाँबाट कसरी आउँदै छ भन्ने सूचना विदेशबाटै आएको ती अधिकारी बताउँछन्। उनी भन्छन्, ‘विभागलाई हङकङबाटै सूचना आएको थियो। त्यही सूचना अनुसार कारबाही थाल्दा सुन समात्न सफल भएका हौँ।’
ठूलो परिमाणमा सुन आएपछि भन्सारमै समातिन सक्ने विश्वास विभागलाई लागेको थियो। तर, भन्सारको कमजोरीका कारण बाहिरिएको सुन राजस्व अनुसन्धानको हातमा परेको हो।
भन्सार विभागले पनि त्रिभुवन विमानस्थल भन्सारबाट आफ्नो कमजोरीकै कारण सुन छिरेको स्वीकार गरेको छ।
विभागका महानिर्देशक शोभाकान्त पौडलले नेपालखबरसँग कुरा गर्दै उच्च निगरानी राख्न नसक्दा सुन भन्सारबाट पास भएको देखिएको बताए।
‘यी विषयमा थप छानबिन हुँदै छ, त्यसबाट हामी थप कुरा पत्ता लगाउछौं’, उनले भने।
भन्सार प्रणालीको कमजोरी, एक्सरे मेसिनको त्रुटी या भन्सारका कर्मचारीको मिलेमतो भए त्यसबारे छानबिनका लागि समिति गठन भएको उनले बताए।
सुन पास गराउन संलग्न दुई जना कर्मचारीलाई निलम्बन गर्ने निर्णय भइसकेको छ। खरिदारसम्मका कर्मचारीलाई विभागका महानिर्देशकले नै निलम्बन गर्न सक्छ। जसअनुसार विभागले निलम्बन पत्र थमाइसकेको छ। एकजना अधिकृतलाई निलम्बन गर्न अर्थसचिवलाई सिफारिस गरिएको छ।
विभागका महानिर्देश शोभाकान्त पौडल भन्सार का कर्मचारी राजस्वका कर्मचारी सुन तस्करीमा धेरै संलग्न भएको यसअघिका घटनाबाट नदेखिने बताउँछन्। यो पनि उनीहरु संलग्नता कमजोरीका कारण भएको हुनसक्ने उनले बताए।
तस्करले नै स्कुटीको ब्रेक सु बनाएर ल्याउँदा पास गर्न सकिने विश्वास लिएको देखिन्छ। त्यहीअनुसार उक्त सुन पास भएको अधिकारीहरुले बताएका छन्। यस विषयमा थप अध्धयनपछि मात्रै बोल्न सकिने उनले बताए।
सम्बन्धित समाचार
यो पनि पढ्नुहोस्ः
- पक्राउ परेका चिनियाँ एक वर्षदेखि नेपालमै, महाराजगञ्जमा थियो कार्यालय
- त्रिभुवन विमानस्थलबाट ८० किलोभन्दा बढी सुन बरामद
- पछिल्लो समय विमानस्थलबाट भित्रिने गरेको थियो दैनिक क्विन्टल अवैध सुन
- सय किलो सुन बरामद प्रकरण : एजेन्टसहित समातिए ६ जना
- बरामद सुन डेढ सय किलोभन्दा बढी, एकै जनाको भएको अनुमान
- यी हुन् सय किलो सुन बरामद प्रकरणमा पक्राउ परेका ४ जना
- सुन तस्करीमा सरकार आवद्ध दलकै नेता मुछिनु गम्भीर विषय : पोखरेल
- सय किलो सुन बरामद प्रकरण : भन्सार अधिकृत चन्द निलम्बन
- एक महिनायता विमानस्थलबाट भित्रिरहेको थियो दैनिक १ क्विन्टल अवैध सुन
- प्रहरी र भन्सार अधिकृतको मिलेमतोमा यसरी छुट्यो विमानस्थलबाट १०० किलो सुन
- सय किलो सुन बरामद प्रकरण : गृहमन्त्रीले बोलाए भन्सारका महानिर्देशकलाई
- सय किलो सुन प्रकरण छानबिनका लागि समिति गठन
- विमानस्थलमा बरामद सुनमा मेरो हात छैन, तस्करसँग चिनजान पनि छैन : दीपक मल्होत्रा
- ‘सुन तस्करीमा संलग्न भए भागिसक्थेँ, पुष्टि भएमा सजाय भोग्न तयार छु’
- बरामद सय केजी सुन राष्ट्र बैंकबाट विमानस्थल भन्सारमै फर्काइयो
- तस्करीको थप सुन रहेको सूचनापछि राजस्वको टोली फेरि पुग्यो एयरपोर्ट भन्सार
- बरामद सुन परीक्षणका लागि टक्सार महाशाखा लगियो (तस्बिरहरू)
- विमानस्थल पुगेको विभागको टोलीले थप सुन भेटाएन
- सय किलो सुन प्रकरण : विमानस्थलबाट भाग्न लागेको अवस्थामा पक्राउ परे चिनियाँ नागरिक
- टक्सार महाशाखामै राखिन्छ बरामद भएको सुन, थप परीक्षणका लागि पत्र पर्खंदै राष्ट्र बैंक
- सय किलो सुन प्रकरणमा पक्राउ परेका ६ जनालाई १० दिन हिरासतमा राख्न अनुमति
- सय किलो सुन तस्करी : राजस्वले लियो थप व्यक्तिविरुद्ध जरुरी पक्राउ पुर्जी
- पक्राउ परेका चिनियाँ एक वर्षदेखि नेपालमै, महाराजगञ्जमा थियो कार्यालय
Shares
प्रतिक्रिया