मतगणनासँगै २ हजार अंकले ओरालो लाग्यो भारतीय सेयर बजार

भारतीय लोकसभा चुनावको मतगणनाको प्रारम्भिक अग्रता सार्वजनिक हुनेबित्तिकै मंगलबार बिहान खुलेसँगै भारतीय सेयर बजार ओरालो लाग्न थालेको छ।

बीएसई सेन्सेक्सका अनुसार सोमबार बजार ठूलो उछालका साथ ७६,४०० मा बन्द भएको थियो तर मंगलबार बजार २ हजार अंकले घटेको छ।

निफ्टी सूचकांक आज बिहान २३,१७९.५० मा खुल्यो तर प्रारम्भिक चरणमा नै ६५४ अंकले घटेर २२,६०९ मा पुग्यो।