युनिकोड
ग्लोबल आईएमई बैंकको प्रमुख कार्यकारी अधिकृत (सीईओ)मा रत्नराज बज्राचार्य नियुक्त भएका छन्। शुक्रबार बसेको बैंक सञ्चालक समिति बैठकले बज्राचार्यलाई चार वर्षको लागि नियुक्ति दिएको हो।
बैंकका अध्यक्ष चन्द्र प्रसाद ढकालका अनुसार सीईओ बज्राचार्यले भदौ १ गतेदेखि आफ्नो कार्यभार सम्हाल्ने छन्।
जनता बैंकसँग मर्ज भएपछि ग्लोबल आईएमई बैंक देशकै ठूलो बैंकको रुपमा रहेको छ। बैंकका सीईओ पर्शुराम कुँवरले राजीनामा दिएपछि सीईओ पद रिक्त रहेको थियो।
बज्राचार्य यो भन्दा अघि पनि ग्लोलब आइएमई बैंककै सीईओको रुपमा काम गरिसकेका छन्। उनी ग्लोबल छोडेर सनराइज बैंक गएका थिए। गत वर्ष सनराइज बैंक पनि छोडेर बसेका थिए।
प्रतिक्रिया