अटो मोबाइल व्यवसायीले ३ पांग्रे विद्युतीय सवारी आयात गर्दा सडक निर्माण दस्तुर विनै आयात गरेको पाइएको छ।
महालेखा परीक्षकको ५९औँ प्रतिवेदनमा करिब ३ करोड रुपैयाँ दस्तुर असुल गर्नुपर्ने औंलाएको हो।
सवारी तथा ढुवानीका साधन पैठारी हुँदाका बखत भन्सार विन्दुमा तोकिएको दरमा सडक निर्माण दस्तुर लिई जाँचपास गर्नुपर्ने व्यवस्था भए पनि विभिन्न भन्सार कार्यालयले ३ पांग्रे विद्युतीयसँग नउठाएको प्रतिवेदनले औँल्याएको हो।
सुक्खा बन्दरगाह भन्सार कार्यालय, वीरगन्ज भन्सार कार्यालय, मेची भन्सार कार्यालय, विराटनगर भन्सार कार्यालय र जलेश्वर भन्सार कार्यालयले विभिन्न पैठारीकर्ताबाट सडक निर्माण दस्तुर नलिएको प्रतिवेदनमा उल्लेख छ।
आर्थिक ऐन २०७७ अनुसार प्रतिसवारी १३ हजार र आर्थिक ऐन २०७८ बमोजिम प्रति सवारी १० हजार सडक निर्माण दस्तुर नलिई जाँचपास गर्दा २ करोड ९८ लाख असुल गर्न निर्देशन दिएको छ।
Shares
प्रतिक्रिया