आमिर खानकी छोरीको बिहे : आज राति पार्टी

आमिर खानकी छोरी आयरा र फिटनेस एक्सपर्ट नुपुर शिखरेको विवाह कार्यक्रमअन्तर्गत सोमबार राति पायजामा पार्टी आयोजना गरिएको छ।

पार्टीमा उनीहरूका साथीहरूले नाइट सुट लगाएर सेलिब्रेट गर्नेछन्। त्यसपछि जनवरी ९ (मंगलबार) साँझ ७ बजे संगीत कार्यक्रम हुनेछ, जसमा आमिर खान र उनको परिवारका सदस्यहरूले गीत र नृत्य प्रस्तुत गर्नेछन्।

जनवरी १० (बुधबार) मा होटलको मयुरबागमा अपराह्न ४ बजे ‘वाउ सेरेमनी’ अर्थात् विवाह संस्कार सुरु हुनेछ। यो विवाह मराठी रीतिरिवाजअनुसार हुनेछ।

यसअघि आज बिहान उदयपुरको ताज अरावली रिसोर्टमा आयरा र नुपुरको विवाह संस्कार सुरु भएको थियो। आयरा र नुपुरको मेहेन्दी समारोह सोमबार बिहान भएको थियो।

कार्यक्रममा स्थानीय कलाकारले आयरालाई मेहेन्दी लगाएका थिए। त्यसपछि आयरा पनि स्टेजमा आएर नाचिन्।

नुपुर पनि आफ्नो बिहेको तयारीमा देखिएका थिए। यस अवधिमा आयरा र नुपुरले आफैँले आफ्ना सामाजिक सञ्जालमा धेरैवटा भिडिओ र तस्बिर सेयर गरेका छन्।