युनिकोड
सलमान खानको पनवेलस्थित फार्महाउस पछिल्लो समय कुनै न कुनै कारणले चर्चामा छ।
यसै क्रममा उनको फार्म हाउस बाहिरबाट २४ वर्षीया युवतीलाई प्रहरीले पक्राउ गरेको खबर सार्वजनिक भएको छ।
यो खबर बाहिरिएदेखि नै सामाजिक सञ्जालमा चर्चाको विषय बनेको छ। सबै जान्न चाहन्छन् कि सलमानको जीवनमा खतरासँग यसको कुनै सम्बन्ध छ? त्यसैले युवतीलाई हिरासतमा लिनुको वास्तविक कारण के हो, जानौँ।
भारतीय सञ्चारमाध्यमका अनुसार वास्तवमा दिल्लीकी यी २४ वर्षीया युवतीले अभिनेताको पनवेल फार्महाउस बाहिर हंगामा मच्चाइन्। ती युवतीले आफूलाई सलमान खानको कट्टर फ्यान घोषणा गर्दै उनीसँग बिहे गर्ने सपनाका साथ आएको बताइन् र सलमानसँग भेट्ने जिद्दी गरिन्।
तर, स्थानीयले चकित पार्ने घटना रेकर्ड गरेर पनवेल तालुक प्रहरी चौकीमा खबर गरेपछि उनको योजना असफल भयो।
तर युवती आएका बेला सलमान ने आफ्नो फार्महाउसमा थिएनन्।
मिडिया रिपोर्टका अनुसार भिडिओमा कैद भावुक फ्यानले बारम्बार खानसँग विवाह गर्ने इच्छा व्यक्त गरेकी छन्।
प्रहरीले हिरासतमा लिएपछि उनलाई थप परामर्शका लागि नयाँ पनवेलस्थित एनजीओ सोसल एन्ड इभान्जेलिकल एसोसिएसन फर लभमा सारिएको छ।
एनजीओका संस्थापक पास्टर केएम फिलिपले उनको अवस्था निकै गम्भीर रहेको बताउँदै उनले आफू सलमान खानलाई धेरै माया गर्ने बताएको जानकारी दिए।
युवतीलाई मानसिक उपचारका लागि कलम्बोलीस्थित एमजीएम अस्पतालमा भर्ना गरिएको उनले बताए। खानसँग विवाह गर्ने उद्देश्यले दिल्लीबाट नवी मुम्बई एक्लै यात्रा गरेकोमा परिवार चिन्तित भएकाले दिल्लीमा उनकी आमालाई सम्पर्क गरियो।
आठ दिनको उपचार र मनोवैज्ञानिक परामर्शपछि आफ्नो कमजोरी स्वीकार गर्दै युवतीले घर फर्कने इच्छा व्यक्त गरिन्।
उनले एनजीओ स्वयंसेवकलाई भनिन्, ‘मैले बाल्यकालदेखि नै सलमान खानका फिल्म हेरिरहेको थिएँ र उनीसँग विवाह गर्न सक्छु भन्ने सपना साँचेकी थिए। अब पनवेल आएर यो सबै (उपचार) गरेपछि मलाई गल्ती भएको महसुस भयो।’
प्रतिक्रिया