चारसय वर्षपछि नजिक भएका वृहस्पति र शनि ग्रहका तस्बिरहरु...

भौतिक रुपमा नजिक भएका यी दुई ग्रहको दूरी ० दशमलब १ डिग्री रहेको वैज्ञानिकहरुले बताएका छन्।

० दशमलब १ डिग्री निकट भएपनि यी दुई ग्रहबीचको दूरी करोडौं किलोमिटर रहेको वैज्ञानिकहरुको भनाई छ।

सोमबार साँझ चारसय वर्षपछि यी दुई ग्रह नांगो आँखाले देख्न सकिनेगरी नजिक भएका हुन्। वैज्ञानिकहरूका अनुसार यो खगोलिय घटना सन् १६२३ जुलाई १७ पछि पहिलोपटक भएको हो।

तस्बिरः इपीए/योनहाप

अब यस्तो दृश्य सन् २०८० को मार्च १५ मा मात्र देख्न सकिने वैज्ञानिकहरुले बताएका छन्। सौर्यमण्डलका दुई ठूला ग्रह नजिक आउनु दुर्लभ घटना भने नभएको अमेरिकी अन्तरिक्ष संस्था नासाले जनाएको छ।

बृहस्पति हरेक २० वर्षमा आफ्नो छिमेकी ग्रह शनिको नजिक भएर जाने गर्छ। तर यति नजिक आउनुचाँहि दुर्लभ घटना भएको वैज्ञानिकहरु बताउँछन्।

तस्बिरः इपीए

वृहस्पति र शनि नजिक भएको सबैभन्दा राम्रो दृश्य सोमबार राति ब्रिटेनको उत्तरी हिस्साबाट देखिएको बताइएको छ।

खगोलविद्हरुका अनुसार वृहस्पति र शनि ग्रहबीचको यस्तो प्रक्रिया हरेक २० वर्षको अन्तरालमा हुन्छ। तर, रातिको समयमा नजिक भएर अवलोकन गर्न सकिने अवस्था भने सयौँ वर्षपछि आएको हो। एजेन्सी

तस्बिर: नासा

तस्बिरः एएफपी