गण्डकी प्रदेशका मुख्यमन्त्री सुरेन्द्रराज पाण्डेले आज (मंगलबार) मन्त्रिपरिषद् विस्तार गर्ने भएका छन्।
यस क्रममा उनले फ्लोर क्रस गरेर आफूलाई विश्वासको मत दिएका सांसद फणीन्द्र देवकोटालाई मन्त्री बनाउँदै छन्। उनीसँगै स्वतन्त्र सांसद राजीव गुरुङ ‘दीपक मनाङे’ पनि आज मन्त्री बन्दै छन्।
देवकोटालाई ऊर्जा, जलस्रोत तथा खानेपानी मन्त्री र मनाङेलाई भौतिक पूर्वाधार मन्त्रीमा अहिले बिहान ११ बजे शपथ खुवाउने तयारी भइरहेको मुख्यमन्त्रीको सचिवालयले जनाएको छ।
माओवादी केन्द्रको चुनाव चिह्न हँसिया-हतौडाबाट विजयी नेपाल समाजवादी पार्टीका सांसद देवकोटाले ह्विप जारी भए पनि फ्लोर क्रस गर्दै मुख्यमन्त्री पाण्डेलाई विश्वासको मत दिएका थिए। सोहीबापत उनले मन्त्री पद उपहार पाउने भएका हुन्।
माओवादी चुनाव चिह्नबाट चुनाव लडे पनि देवकोटाले आफू अर्कै पार्टीको सांसद भएको जिकिर गरिरहेका छन् भने फ्लोर क्रस गरेको भनेर माओवादी केन्द्रले कारबाही गर्ने चेतावनी दिइरहेको छ।
- गण्डकीमा ४८ घण्टाभित्र सुरेन्द्र पाण्डेलाई मुख्यमन्त्री नियुक्त गर्न सर्वोच्चको आदेश (आदेशसहित)
- गण्डकीका मुख्यमन्त्री अधिकारीको विश्वासको मत सर्वोच्चद्वारा बदर
Shares
प्रतिक्रिया