भारतको मध्य प्रदेशस्थित इन्दौरमा घरपालुवा कुकुरका विषयमा झगडा हुँदा एकजना कुकुर मालिकले गोली हानेर २ जनाको हत्या गरेका छन्। गोली लागेर अन्य ६ जना घाइते भएका छन्।
झडपका क्रममा कुकुर मालिकले कैयौँ राउन्ड फायर गरेका हुन्।
समाचार एजेन्सी पीटीआईले सार्वजनिक गरेको भिडिओमा एक व्यक्तिले आफ्नो राइफलबाट फायर गरिरहेको देखिन्छ। उक्त भिडिओ स्थानीय व्यक्तिले रेकर्ड गरेका हुन्।
VIDEO | Two people were killed and six others injured after a man, identified as a security guard Rajpal Rajawat, fired shots on neighbours following an argument over pet dogs in MP's Indore.
(Note: Audio muted due to abusive content)
(Source: Third Party) pic.twitter.com/jw8Btu9GVN— Press Trust of India (@PTI_News) August 18, 2023
समाचार एजेन्सी एएनआईले इन्दौरका अतिरिक्त डीसीपी अमरेन्द्र सिंहसँग कुरा गरेको छ। उक्त कुराकानीमा उनले गोली चलाउने व्यक्ति बैंकमा सेक्युरिटी गार्डका रुपमा काम गर्ने र उनको नाम राजपाल राजावत रहेको बताइएको छ।
डीसीपी अमरेन्द्र सिंहले भने, ‘एक व्यक्ति आफ्नो कुकुरलाई डुलाइरहेका थिए, त्यस क्रममा उनको कुकुरले छिमेकीको कुकुरसँग झगडा गर्यो। जसका कारण घरधनीहरूबीच झडप भयो। यो देखेर त्यहाँ केही मानिस जम्मा भए।’
उनका अनुसार ‘त्यसपछि सेक्युरिटी गार्ड रहेका कुकुरको मालिक राजपाल अचानक घरमा गएर बन्दुक लिएर पहिला हावाई फायरिङ गरे। पछि जमिनतिर पनि गोली चलाए। घटनामा दुई जनाको मृत्यु भएको छ भने ६ जना घाइते भएका छन्। गोली चलाउने व्यक्ति राजपाल पक्राउ परेका छन्। बन्दुक समेत बरामद गरिएको छ। थप अनुसन्धान जारी छ।
उनीहरूबीच यसअघि कहिल्यै विवाद नभएको प्रहरीले जनाएको छ।
Shares
प्रतिक्रिया