१२ वर्षीया बालिकासँग अवैध यौन सम्बन्ध राखेको आरोपमा हङकङका एक वकिल पक्राउ परेका छन्।
३९ वर्षीय वकिल लक खिनछिङलाई बालिकासँग अवैध यौन सम्बन्ध राखेको र गैरकानुनी कार्यको लागि भिडिओ खिचेको आरोपमा शुक्रबार हिरासतमा राखिएको छ।
बालिकासँग यौन सम्बन्ध राखेको र बाल पोर्नोग्राफीको नियतले भिडिओ खिचेको आरोपमा वेस्ट काउलुन अदालतमा उनलाई उपस्थित गराइएको थियो।
यस वर्षको मार्च ४ र २८ मा लकले मावानस्थित पार्क आइल्यान्डको अग्लो आवासीय कम्प्लेक्समा रहेको आफ्नो फ्ल्याटमा बालिकासँग यौनसम्पर्क गरेको अभियोग लागेको छ।
यस्तै, उक्त सम्बन्धको भिडिओ पनि रेकर्ड गरेको अर्को आरोप छ।
उनको आरोप सम्बन्धमा थप अनुसन्धानका लागि अदालतले प्रहरीलाई थप आठ हप्ताको समय दिएको छ।
हाल हिरासतमा रहेका उनलाई जुलाईमा अदालत उपस्थित गराइनेछ।
168
Shares
प्रतिक्रिया