शनिबार पहिलो लटमा फाइजरका ५ लाख ८५ हजार डोज खोप हङकङ अवतरण गरेको साउथ चाइना मर्निङ पोस्टले जनाएको छ।
शनिबार बिहान साढे १० बजे जर्मनीको फ्र्यांकफर्टबाट हङकङको अन्तर्राष्ट्रिय विमानस्थलमा खोपहरु आइपुगेका थिए।
चिनियाँ कम्पनी सिनोभ्याकको खोप लगाएका ७२ वर्षका एक व्यक्तिमा गम्भीर प्रतिकुल असर देखिएकै दिन फाइजरका खोप हङकङ आइपुगेका हुन्।
सिनोभ्याकको खोपलाई हङकङकी कार्यकारी प्रमुख क्यारी लामले समेत लगाएकी थिइन्। उनको अवस्था भने सामान्य भएको बताइएको छ।
हङकङ आइपुगेका खोपहरु पहिलो खेपमा ६० वर्षमा माथिका नागरिक, स्वास्थ्य क्षेत्रका कर्मचारी, सीमा क्षेत्रमा गाडी चलाउने व्यक्ति, विमान कर्मचारी, माझी तथा केयर होमका मानिसलाई लगाइनेछ।
फाइजर तथा बायोएनटेकको यस खोप ८७ देखि ९२ प्रतिशतसम्म कोरोना प्रतिरोधी भएको बताइएको छ।
प्रतिक्रिया