नेकपा माओवादी केन्द्रका महासचिव देव गुरुङ प्रारम्भिक मतगणनामा नेकपा एमाले उपमहासचिव पृथ्वीसुब्बा गुरुङसँग पछि परेका छन्।
एक सिटमात्रै रहेको लमजुङमा एमाले उपमहासचिव पृथ्वीसुब्बाले २ हजार ५ सय ८ मत प्राप्त गर्दा माओवादीका देव गुरुङले २ हजार ८७ मत ल्याएका छन्।
एमालेको पकड रहेको क्लोलोसोथार गाउँपालिका र सत्तागठबन्धनको पकड रहेको दूधपोखरी गाउँपालिकाबाट मतगणना सुरु भएको हो।
यसमध्ये स्थानीय तह निर्वाचनमा क्लोलोसोथार गाउँपालिकामा सम्पूर्ण सिटमा एमालेले ‘क्लिन स्वीप’ गरेको थियो।
माओवादी महासचिव गुरुङ २०७४ को निर्वाचनमा वामगठबन्धनको उम्मेदवार बनेर लमजुङबाट प्रतिनिधि सभामा विजयी भएका थिए।
एमाले उपमहासचिव गुरुङ भने लमजुङ ‘ख’ बाट निर्वाचित भई गण्डकी प्रदेशको संस्थापक मुख्यमन्त्री बनेका थिए।
3.7k
Shares
प्रतिक्रिया