नेपाल भ्रमणमा रहेका भारतीय जनता पार्टीका विदेश विभाग प्रमुख विजय चौथाइवाले मंगलबार शीर्ष नेताहरूसँग भेटघाट गरेका छन्।
उनले मंगलबार दिउँसो उपप्रधान तथा गृहमन्त्री नारायणकाजी श्रेष्ठ, नेपाली कांग्रेसका सभापति शेरबहादुर देउवा र नेकपा एकीकृत समाजवादीका अध्यक्ष माधव कुमार नेपालसँग भेटवार्ता गरेका हुन्।
उत्तराखण्ड हुँदै सुदूरपश्चिमको स्थलमार्गबाट नेपाल आएका उनी मंगलबार काठमाडौं उत्रिएर राजनीतिक भेटघाट गरेका हुन्।
भेटघाटका क्रममा उनले दुई देशबीचको सम्बन्ध र प्रधानमन्त्री पुष्पकमल दाहाल प्रचण्डको सम्भावित भारत भ्रमणसहितका विषयमा कुरा गरेको बताइएको छ।
चौथाइवाले धनगढीमा भएको मानसखण्ड सम्मेलनमा सहभागी हुन नेपाल आएका थिए।
48
Shares
प्रतिक्रिया