युनिकोड
आगामी माघ ११ गते हुने राष्ट्रिय सभा निर्वाचनका उम्मेदवार तय गर्न बसेको सत्ता गठबन्धनका दलहरूबीचको छलफलबाट नेकपा एकीकृत समाजवादी निस्किएको छ।
सिट संख्यामा कुरा नमिलेपछि समाजवादीका नेताहरू बालुवाटार बैठकबाट निस्किएका हुन्।
शनिबार दिउँसोबाटै सिट संख्यामा सहमति जुटाउन नेताहरू छलफलमा थिए। एकीकृत समाजवादीका उपाध्यक्ष राजेन्द्र पान्डेले सिट सख्यामा सहमति नजुटेपछि आफूहरु बाहिरिएको बताए।
यसअघि सत्ता गठबन्धन बैठकमा प्रधानमन्त्री प्रचण्डले प्रमुख प्रतिपक्षी दल नेकपा एमालेसँग पनि सहकार्य गरेर अघि बढ्ने प्रस्ताव अघि सारेका थिए।
तर, सो प्रस्तावमा एकीकृत समाजवादीका अध्यक्ष माधवकुमार नेपालले असहमति जनाएका थिए।
एमालेसँगको ‘च्याप्टर क्लोज’ भएपछि गठबन्धनका दलहरूले आ–आफ्नो दाबी अघि सारेका थिए।
तिनै दाबीमाथि शनिबार साँझ प्रधानमन्त्री निवास बालुवाटारमा झण्डै ५ घण्टा बढी छलफल भएको थियो। राष्ट्रिय सभाको रिक्त १९ सिटका लागि पुस २३ गते उम्मेदवारी मनोनयनको कार्यतालिका छ।
प्रतिक्रिया