नेपाली कांग्रेसकी सांसद रमा कोइराला पौड्यालले राष्ट्रिय स्वतन्त्र पार्टीको सांसद स्वर्णिम वाग्लेलाई सहकारी ठगको मतियार भएको आरोप लगाएकी छिन्।
वाग्लेले प्रतिनिधि सभा बैठकमा बोल्ने क्रममा बीपी कोइरालाको नाम लिएको भन्दै सहकारी ठगको मतियारले बीपीको नाम लिनु गलत भएको उनले बताइन्।
‘बीपीको नाम लिन सबैको अधिकार छ। तर बीपीले सहकार्य सुरुवात गर्दाखेरी जुन अवधारणाले सहकार्यको सुरुवात गर्नुभएको थियो। त्यो अवधारणा आज देखिएको छ त? जो सहकारी ठगहरुको मतियार हुनुहुन्छ,’ उनले भनिन्।
उनले गृहमन्त्री रवि लामिछानेमाथि छानविन गर्नेगरी संसदीय छानविन समिति नबनेसम्म काँग्रेसको आन्दोलन जारी रहने बताइन्।
‘उहाँले रोष्ट्रममा बीपीको नाम लिनु भनेको त्यो अत्यन्तै गलत भएको छ। सहकारी ठगहरुलाई बीपीको नाम लिने अधिकार छैन है। आज स्वर्णिमजीले नाम लिनुभयो। उहाँ सहकारी ठगको मतियार हो,’ सांसद कोइरालाले भनेकी छिन्।
Shares
प्रतिक्रिया