युनिकोड
राष्ट्रिय सभा सदस्य वामदेव गौतमले हिमताल फुट्नबाट जोगाउन सकिने बताएका छन्।
आइतवारको राष्ट्रिय सभाको बैठकमा बोल्दै उनले यस्तो बताएका हुन्। सयमा नै ध्यान दिनसके हिमताललाई जोगाउन सकिने उनको भनाई छ।
गौतमले त्यसबाट हुनसक्ने जनताको रक्षा गर्नसकिने बताए। उनले सोलुखुम्बुको थामेमा हिमताल फुटेसँगै आम नागरिकमा त्रास फैलिएको भन्दै अझै ६ वटा हिमताल फुट्ने क्रममा रहेको तर जोगाउन सकिने बताए।
उनले भने, ‘हिमताल जोगाउन सकिन्छ, फुट्नबाट जोगाउन सकिन्छ, जनताको रक्षा गर्न सकिन्छ। दिमागमा त्यो सोच्नसक्ने व्यक्तिहरुले नेतृत्व गर्नुपर्छ। सोलुमा हिमताल फुट्यो, नोक्शान भयो। श्रद्धाञ्जली दिने भन्दा केही गर्न सकिएन।’
सांसद गौतमले नेपालमा निर्माणको कारणले सडक दुर्घटना नभइ प्राकृतिक कारणले सडक दुर्घटना हुने गरेको दाबी पनि गरे।
प्रतिक्रिया