राष्ट्रियसभा विपक्षी दलको नेतामा राधेश्याम अधिकारी

नेपाली कांग्रेसले राष्ट्रियसभा संसदीय दलको नेतामा राधेश्याम अधिकारीलाई मनोनित गरेको छ।

कांग्रेस सभापति तथा संसदीय दलका नेता शेरबहादुर देउवाले नेपाली कांग्रेस संसदीय दलको विधान (संशोधन तथा परिमार्जन सहित, २०७४) को धारा १२ को उपधारा (१) बमोजिम अधिकारीलाई संसदीय दलको नेतामा मनोनयन गरेका निजी सचिव केशवराज जोशीले जनाएका छन्।

यसअघिका संसदीय दलको नेता सुरेन्द्र पाण्डेको यही फागुन २० गतेदेखि दुई वर्षे कार्यकाल सकिएपछि सो पद रिक्त थियो।