काठमाडौंको टुँडिखेलमा ७३औं प्रजातन्त्र दिवस मनाइएको छ। प्रजातन्त्र दिवसमा २००८ सालपछि मूल समारोह समितिद्वारा सैनिक मञ्चमा विशेष समारोहको आयोजना गरिने परम्परा बनेको थियो।
सोही अनुसार आइतबार बिहान सैनिक मञ्चमा विशेष समारोहका साथ प्रजातन्त्र दिवस मनाइएको हो। समारोहमा राष्ट्रपति, उपराष्ट्रपति, प्रधानमन्त्री, सभामुखलगायतको उपस्थिति रहेको थियो।
२००७ सालको क्रान्ति सफल भएर १०४ वर्ष लामो निरंकुश राणाशासन अन्त्य भई प्रजातन्त्र स्थापना भएको सम्झनामा हरेक वर्ष फागुन ७ गते प्रजातन्त्र दिवस मनाइने गरिन्छ।
आजको दिनलाई नेपालको इतिहासमा गौरवपूर्ण र अविस्मरणीय मानिन्छ।
प्रजातन्त्रकै जगमा लोकतन्त्र हुँदै मुलुकमा अहिले संघीय लोकतान्त्रिक गणतन्त्रात्मक शासन व्यवस्था स्थापना भएको छ।
21
Shares
प्रतिक्रिया