बाराको सिम्रौनगढ नगरपालिकाका तत्कालीन प्रशासकीय अधिकृतसहित तीनजनाविरुद्ध अख्तियार दुरुपयोग अनुसन्धान आयोगले भ्रष्टाचार मुद्दा चलाएको छ।
कार्यालयका लागि भन्दै अनावश्यक सफ्टवेयर खरिद गरी भ्रष्टाचार गरेको उजुरीका आधारमा अनुसन्धान गरेको अख्तियारले तत्कालीन प्रमुख प्रशासकीय अधिकृतसहित तीनजनाविरुद्ध एक लाख ९९ हजार ८ सय ९७ रुपैयाँ बिगो दाबीसहित भ्रष्टाचार मुद्दा चलाएको हो।
आर्थिक वर्ष २०७६/०७७ मा जिन्सी व्यवस्थापनको केन्द्रीय प्रणालीको सफ्टवेयर खरिद तथा जडान कार्यका लागि सिम्रौनगढ नगरपालिकाका तत्कालीन प्रमुख प्रशासकीय अधिकृत विश्वराज मरासेनी, लेखा अधिकृत सर्मेन्द्र प्रसाद चौधरी र जिन्सी शाखा प्रमुख सुरेश प्रसाद यादवले मिलेर भ्रष्टाचार गरेको अख्तियारको आरोप छ।
उनीहरुले सप्टवेयर खरिदका लागि १ लाख ९९ हजार ८९७ बजेट स्वीकृत गराई सफ्टवेयर खरिद गरेका थिए। तर त्यो सफ्टवेयर प्रयोग नै नगरी सरकारी सम्पत्ति बदनियतपूर्वक हानिनोक्सानी गरेको आरोप उनीहरुमाथि लागेको छ।
उनीहरु तीनैजनालाई भ्रष्टाचार निवारण ऐन, २०५९ को दफा ८ को उपदफा (३) बमोजिमको कसुरमा एक लाख ९९ हजार ८९७ बिगो कायम गरी मुद्दा चलाइएको हो।
अख्तियारले भ्रष्टाचार निवारण ऐन, २०५९ को दफा ८ को उपदफा (३) बमोजिम बमोजिम उनीहरुविरुद्ध बुधबार विषेश अदालतमा आरोपपत्र दर्ता गरेको छ।
Shares
प्रतिक्रिया