ललिता निवास प्रकरणमा २९० जनाविरुद्ध मुद्दा : अभियोग पुष्टि भए कति हुन्छ सजाय?

बालुवाटारस्थित ललिता निवासको सरकारी जग्गा हिनामिना प्रकरणमा सरकारी वकिलको कार्यालयले आइतबार २९० जनालाई प्रतिवादी बनाएर मुद्दा दायर गरेको छ। 

सरकारी वकिलको कार्यालयले सरकारी किर्ते कसुरअन्तर्गत २९० जनाविरुद्ध जिल्ला अदालतमा मुद्दा दायर गरेको हो। 

प्रहरीको केन्द्रीय अनुसन्धान ब्युरो (सीआईबी) ले सरकारी किर्ते र संगठित अपराध दुवैमा मुद्दा चलाउन राय दिएर प्रतिवेदन बुझाए पनि जिल्ला सरकारी वकिल कार्यालयले सरकारी किर्तेमा मात्र मुद्दा दायर गरेको हो। 

संगठित अपराधमा मुद्दा दिन पर्याप्त प्रमाण नपुगेकाले उनीहरूविरुद्ध सरकारी किर्तेमा मात्र मुद्दा दायर गरिएको जिल्ला सरकारी वकिल कार्यालयका प्रमुख अच्यूतमणि नेउपानेले नेपालखबरलाई बताए। 

सरकारी किर्तेमा १ वर्ष कैद र १० हजार जरिवाना वा दुवै सजाय हुनसक्ने व्यवस्था छ। 

• ललिता निवास प्रकरणका प्रतिवादीविरुद्ध संगठित अपराधमा मुद्दा नचल्ने
• ललिता निवास प्रकरण : सञ्चार मन्त्रालयका सचिव राउतविरुद्ध पनि मुद्दा दायर
• बालुवाटार जग्गा प्रकरणमा जोडिएका दाङका सीडीओ वैद्यलाई तानियो गृह मन्त्रालय